છાપરીયાળી પાંજરાપોળ એટલે અબોલ અને અશક્ત પશુઓની જીવદયાનું જીવંત તીર્થ!

Chhapariyali General Donation
Chhapariyali Pratipalak Yojana – ₹9,000

સાદર પ્રણામ,

પવિત્ર શત્રુંજ્ય મહાતીર્થની શીતલ છાયામાં પાલીતાણાથી ૪૦ કિ.મી.ના અંતરે જેસર ગામની બાજુમાં આવેલ છાપરીયાળી ગામમાં ૧૭૦ વર્ષથી વધારે જુની પાંજરાપોળ સંસ્થાનું સંચાલન અને જીવદયાનું કાર્ય શેઠ આણંદજી કલ્યાણજી ટ્રસ્ટ ખુબ જ સુંદર રીતે ઉત્સાહ અને ઉમંગપૂર્વક કરી રહેલ છે.

સંસ્થાની વિકટ આર્થિક પરિસ્થિતિમાં પણ પાંજરાપોળના દ્વારે આવેલ કોઈપણ પશુઓનો સ્વીકાર થાય છે. સંસ્થાની આવી ઉદાર નીતિ તેનું અતિ ઉજ્જવળ પાસું છે. માંદા-અશક્ત પશુઓ માટે ડૉકટરની સેવાઓ હંમેશા માટે ઉપલબ્ધ છે.

છાપરીયાળી પાંજરાપોળમાં અત્યંત આધુનિક વિશાળ ઓપરેશન થિયેટર બનાવવામાં આવેલ છે. જેમાં ઓટોમેટીક ઓપરેશન ટેબલ પર આધુનિક સાધનો વડે કેન્સર તથા અન્ય બિમારીઓના ઈલાજ માટે ઓપરેશન કરી પશુઓની સુંદર સારવાર કરવામાં આવે છે.

આપ સહુ જાણો છો તેમ આ સંસ્થા સને ૧૮૫૨ થી પશુ સેવા ક્ષેત્રે અગ્રિમકાર્ય કરે છે. માંદા – મૂંગા – ઘરડા – અશક્ત ખોડા પશુઓના રક્ષણ અને નિભાવ માટે સંસ્થા અત્યંત જાગૃત છે. છાપરીયાળી પાંજરાપોળમાં આશરે ૨૫૦૦ થી વધારે પશુઓ છે. મૂંગા, અશક્ત અને માંદા ઢોરોના નિભાવ તથા સાર-સંભાળની પૂરતી વ્યવસ્થા થઈ શકે તે માટે માતબર રકમની જરૂર રહે છે.

જેના ફળસ્વરૂપે ટ્રસ્ટને વર્ષ ૨૦૦૩ માટે ગુજરાત સરકાર તરફથી મહાવીર જીવદયા એવોર્ડ તથા સર્વશ્રેષ્ઠ પાંજરાપોળ માટેનું પ્રશસ્તિપત્ર પ્રાપ્ત થયેલ છે. આ ઉપરાંત વર્ષ ૨૦૦૭-૦૮ માટે પાંજરાપોળની વિશિષ્ઠ કામગીરી માટે ગૌસેવા આયોગ, ગાંધીનગર તરફથી એવોર્ડ પ્રાપ્ત થયેલ છે.

આપના સંઘ દ્વારા તથા સંસ્થા કે વ્યક્તિગત દરેક જીવદયા પ્રેમીઓને છાપરીયાળી પાંજરાપોળ માટે ઘાસચારા તથા રોકડમાં વધુમાં વધુ દાન આપવા ખાસ વિનંતી છે.

ચાતુર્માસ પર્વમાં તથા શેષકાળમાં આપને ત્યાં બિરાજતા પૂજ્ય ગુરૂભગવંતોને જીવદયા માટે પેઢીને સહાયભૂત થવા વ્યાખ્યાન વિગેરેમાં શ્રીસંઘને તથા શ્રાવકોને પ્રેરણા આપે તેવી વિનંતી પણ કરશોજી. આપના વિસ્તારમાં આવેલ તમામ દેરાસરો, સંઘો તથા ઉપાશ્રયોમાં પણ આની બહોળી જાહેરાત કરવા વિનંતી છે…

છાપરીયાળી પાંજરાપોળમાં જીવદયાની તિથિની યોજના:-

૧.      રૂા.૪,૫૧,૦૦૦/- પશુઓને પીવા માટે પાણીના કૂવા બાંધકામ માટે-કૂવા ઉપર તકતીમાં નામ

લખાશે.

૨.      રૂા.૭૫,૦૦૦/- પશુઓને પીવા પાણી માટે ચેકડેમ બાંધકામ માટે ચેકડેમ ઉપર તકતીમાં નામ

લખાશે.

૩.      રૂ।.૫૦,૦૦૦/- પશુ સારવાર કેમ્પ માટે – યોગ્ય જગ્યાએ તકતીમાં નામ લખાશે.

૪.      રૂા.૩૫,૦૦૦/- પશુઓને પાણી પીવા અવેડા બાંધકામ માટે-અવેડા ઉપર તકતીમાં નામ લખાશે.

૫.      રૂ।.૧૦,૦૦૦/- કબૂતરની ચણ માટે કાયમી તિથિ – તિયિના દિવસે બોર્ડ પર નામ લખાશે.

૬.      રૂા.૧૦,૦૦૦/- કુતરાને રોટલા માટે કાયમી તિથિ – તિથિના દિવસે બોર્ડ પર નામ લખાશે.

૭.      રૂ।.૧૦,૦૦૦/- પશુઓની દવા સારવાર માટે – તિથિના દિવસે બોર્ડ પર નામ લખાશે.

૮.      રૂ।.૧૫,૦૦૦/- ઘાસચારો-ગોળ-લાપસી-ખાણદાણ માટે દાતાનું નામ – પાલીતાણા

ભાતાઘરમાં વિશ્રામ સ્થાનની દિવાલે તકતીમાં નામ લખાશે.

૯.    રૂા.૭,૫૦૦/- પશુઓ માટે એક દિવસના ઘાસચારા માટે – તિથિના દિવસે પાલીતાણા

ભાતાઘરમાં બોર્ડ પર નામ લખાશે. (ચાતુર્માસ સિવાય )

૧૦.    રૂા.૯,૦૦૦/- જીવદયા પ્રતિપાલક યોજના – એક વર્ષ માટે એક પશુને નિભાવવાનો સંપૂર્ણ ખર્ચ

પાંજરાપોળની કોઈપણ યોજનામાં લાભ લેવા માટે “શેઠ આણંદજી કલ્યાણજી છા.પાં.સા. ટ્રસ્ટ” ના નામનો ચેક પેઢીના સરનામે મોકલી શકો છો અથવા પંજાબ નેશનલ બેંક, સંજીવની રોડ-શાખા (અમદાવાદ) સેવિંગ ખાતા નંબર 0524000100066781માં (IFS Code : PUNB0097100) જમા કરાવીને સ્લીપની કોપી/ચેક સાથે વિગત તથા પાન કાર્ડ અને રહેઠાણના પુરાવાની નકલ પેઢીના સરનામે મોકલી આપવાથી રસીદ આપને મોકલી આપવામાં આવશે. દાતાશ્રી ૨૦૦૦/- થી વધુ રકમ ચેકથી આપશે તો જ આવકવેરા કાયદાની કલમ ૮૦-જી હેઠળ બાદ મળશે.

માત્ર પાંજરાપોળ સંબંધી કાર્યો માટે સંપર્ક સૂત્ર :

શેઠ આણંદજી કલ્યાણજી છાપરીયાળી પાંજરાપોળ મુ. પો. છાપરીયાળી,

વાયા: જેસર – 364510. જી ભાવનગર.

ટેલી. નં : 02845-281429, 02844-245245

ફોટો ગેલેરી